(11)
DU’A BA’DA WUDLU
اَللّٰهُمَّ
اغْفِرْلِى ذَنْبِى وَ وَسِّحْلِى فِى دَارِى وَ بَارِكْلِى فِى رِزْقِى. ر.
النسائي ١:٦، الترمذى: ٣٥٠
Nun Gusti,
mugi Gusti ngahapunten dosa abdi, sareng mugi Gusti ngajembarkeun rumah tangga
abdi, sareng mugi Gusti ngaberkahkeun rizki abdi. (HR. Annasaai 1/6,
At-Tirmidzi 350)
(12)
AOSAN SABA’DA WUDLU
أَشْهَدُ أَنْ
لَا إِلٰهَ إِلَّا اللهُ وَ أَنَّ مُحَمَّدًا عَبْدُهُ وَ رَسُوْلُهُ. ر. مسلم
١/١٥٧، النسائي ١:٩٣ عن إبن عمر
Kaula yaqin yẻn teu aya deui Pangẻran salian
ti Allah, sareng Muhammad ẻta hamba
Allah, sareng utusan-Na. (HR. Muslim 1/157, An-Nasaai 1/93 ti Umar)
Nu maca, rupina peryogi diemut wirẻh
dina buku Pengajaran Shalat A. Hassan, dina kaca ka 203 A. Hassan nyanggem
kieu: “Bacaan yang shah berhubung dengan wudlu’, ialah Bismillah di
permulaannya dan Syahadat di akhirnya. Lain dari itu, riwayatnya lemah; dan
lebih lemah lagi riwayat tentang bacaan di waqtu membasuh tiap-tiap anggauta.”
Anapon dina buku RISALAH SHALAT Cet. VI: Mei 2017, nu nyusun (nyaeta, DEWAN
HISBAH PP. PERSIS) nyantumkeun hadits Shahih Muslim 1: 209 no. 234, Shahih Ibn
Khuzaimah 1: 111 n0. 223, Shahih Ibnu Hibban 3: 326, Sunan Abi Dawud 1: 43 no8.
169, Sunan al-Baihaqiy Al-Kubra 1: 78 no. 373, 2: 280 no. 3334, Musnad Ahmad 4:
145, 153, Musnad Abi Awanah 1: 191 no. 606 ti shahabat ‘Umar Ibn Khatab
(sakumaha diserat dina catatan kaki no. 37 dina eta buku) nu unina kieu:
قَالَ رَسُوْلُ الله ﷺ: مَا مِنْكُمْ
مِنْ أَحَدٍ يَتَوَضَّأَ فَيُسْبِغُ الْوُضُوْءُ ثُمَّ يَقُوْل: أَشْهَدُ أَنْ لَا
إِلٰهَ إِلَّا اللهُ وَحْدَهُ لَا شَرِيْكَ لَهُ وَ أَشْهَدُ أَنَّ مُحَمَّدًا
عَبْدُهُ وَ رَسُوْلُهُ، إِلَّا فُتِحَتْ لَهُ أَبْوَابُ الْجَنّاةِ
الثَّمَانِيَةُ
“Rasulullah dadawuh, “Teu aya saurang
ogẻ di antara aranjeun nu wudlu terus nyampurnakeun wudluna, tuluy sanggeus manẻhna
wudlu maca ‘Asyhadu an laa ilaaha illallahu wa asyhadu anna muhammadan ‘abduhu
wa rasuluhu, iwal ti bakal dibukakeun keur manẻhna panto surga nu dalapan.”
وَ زَادَ الترمذي: اَللَّهُمَ اجْعَلْنِيْ مِنَ التَّوَابِيْنَ وَاجْعَلْنِيْ
مِنَ الْمُتَطَهِّرِيْنَ
Imam At-Tirmidziy (dina riwayatna) aya tambahan: Allahumaj ‘alni
minattawabiena waj’alni minal mutathahirien (Ya Allah, mugi Gusti ngajantenkeun
abdi di antara jalma-jalma anu tobat sareng mugi Gusti ngajantenkeun abdi di
antara jalma-jalma anu suci).
Hadits nu pangtukangna dikaluarkeun ku at-Tirmidziy dina sunanna
1: 78 no. 55. Namung numutkeun Imam at-Tirmidziy ku anjeun tambahan du’a ieu
sanadna mudltharib (goncang), saeutik ogẻ teu shahih.
Singgetna, kanggo ngawalan wudlu cekap ku maca “Bismillah” tẻras
saatosna cekap ku maca syahadat sakumaha diuningakeun dina hadits riwayat ‘Umar
ibn Khatab. Anapon du’a nu dicantumkeun dina buku 75 Du’a-du’a Rasulullah ﷺ ieu cekap
kanggo nambihan perbendaharaan katerangan.
SALINAN BUKU 75
DO’A-DO’A RASULULLAH ﷺ KH. ABDULLAH
AbahnaJafits’s Corner Private Library
Al-Furqan Islamic Kid and Youth Study Club
Sanggar Indah
Banjaran L7 No. 7, Nagrak, Cangkuang-Kab. Bandung
