DU’A-DU’A NU AYA HUBUNGANANA JEUNG NYANYABAAN (II)

DU’A NAẺK KENDARAAN (tambahan)

بِسْمِ اللَّهِ مَجْرَاهَا وَمُرْسَاهَا إِنَّ رَبِّي لَغَفُورٌ رَحِيمٌ

Kalayan nyebat asma Allah dina waktu balayar sinareng balabuhna, saẻstuna Gusti Nu Maha Pangampura sareng Nu Maha Welas Asih.

Du’a ieu diucapkeun nalika Nabi Nuh AS naẻk kana parahuna. Dicutat tina Surat Hud ayat ka 41 nu lengkepna kieu:

وَقَالَ ارْكَبُوا فِيهَا بِسْمِ اللَّهِ مَجْرَاهَا وَمُرْسَاهَا إِنَّ رَبِّي لَغَفُورٌ رَحِيمٌ

Lajeng Nabi Nuh (AS) cumarios: “Pẻk maranẻh naraẻk Kalayan nyebat asma Allah dina waktu balayar sinareng balabuhna, saẻstuna Gusti Nu Maha Pangampura sareng Nu Maha Welas Asih.

(9) DU’A MULANG TI PANYABAAN

اٰيِبُوْنَ تَائِبُوْنَ عَابِدُوْنَ لِرَبِّنَا حَامِدُوْنَ. ر. الترمذى: ٣٤٤ْ عن عازب

Abdi sadaya mulang, abdi sadaya neda pangampura, abdi sadaya ibadah ka Gusti, ngan ka Gusti abdi sadaya muji. (HR. Tirmidzi 3440 ti ‘Aazib).

Rasulullah ﷺ upami anjeunna mulang ti panyabaan, anjeunna sok maos ieu aosan.

(10) DU’A NGAJAJAPKEUN NU BADẺ MIOS

أَسْتَوْدِعُ اللهَ دِيْنَكَ وَ أَمَانَتَكَ وَ اٰخِرَ عَمَلِكَ. ر. الترمذى: ٣٤٤٣

Abdi neda pangriksa Gusti sangkan ngariksa agama anjeun, jeung amanat anjeun, jeung tungtung amal anjeun. (HR. At-Tirmidzi 3443)

Rasulullah ﷺ upami anjeunna jajap nu badẻ nyaba sok nyepengan kana leungeunna nu badẻ indit sarta tara dilẻsotkan satungtung ẻta jalma can ngaleupaskeun panangan Rasulullah ﷺ teras anjeunna ngadu’a nu tadi (HR. At-Tirmidzi).

https://warunggeulisku.blogspot.com/p/al-furqan-islamic-youth-and-kid.html

SALINAN BUKU 75 DO’A-DO’A RASULULLAH ﷺ KH. ABDULLAH

AbahnaJafits’s Corner Private Library

Al-Furqan Islamic Kid and Youth Study Club

Sanggar Indah Banjaran L7 No. 7, Nagrak, Cangkuang-Kab. Bandung

DU’A-DU’A NU AYA HUBUNGANANA JEUNG NYANYABAAN (I)

(7) DU’A BADẺ KALUAR TI BUMI

بِسْمِ اللهِ تَوَكَّلتُ عَلَى اللهِ وَ لَا حَوْلَ وَ لَا قُوَّةَ إِلَّا بِاللّٰهِ. ر. الترمذى: ٣٤٢٦، عن أنس

Kalawan nyebat asmana Allah, abdi sumerah diri ka Allah, taya daya upaya salian ti ku Allah. (HR. At-Tirmidzi: 3426 ti Anas bin Malik).

Saur Rasulullah ﷺ, sing saha nu kaluar ti imah maca ieu aosan, Malaikat bakal ngadu’akeun: “Mudah-mudahan dicumponan kabutuhan anjeun sarta diriksa tina bahaya (musuh) sarta dijauhkeun tina gogoda syẻtan. (Al-Awadzi 9/384).

(8) DU’A BADẺ NYABA

اَللّهُمَّ أَنْتَ الصَّاحِبُ فِى السَّفَرِ وَ الْخَلِيْفَةُ فِى الْأَهْلِ،

اَللّهُمَّ إِنِّى أَعُوْذُبِكَ مِنْ وَعْثَاءِ السَّفَرِ وَ كَابَةِ الْمُنقَلَبِ،

اَللّهُمَّ أَصْبَحْنَا فِى سَفَرِنَا وَ أَخْلُفْنَا فِى أَهْلِنَا مِنَ الْحَوْرِ بَعدَ الْكَوْنِ،

وَ مِنْ دَعْوَةِ الْمَظْلُوْمِ وَ مِنْ سُوْءِ الْمَنْظَرِ فِى الْأَهْلِ وَ الْمَالِ. ر. الترمذى: ٣٤٣٩ عن عبد الله بن سرجس

Nun Gusti, pitulung Gusti nu nyarengan dina ieu panyabaan, sareng nu nalingakeun nu dikantun ti ahli famili. Nun Gusti saẻstuna abdi nyalindung ka Gusti tina karipuhan ieu panyabaan, sareng tina katunggaraan pangbalikan. Nun Gusti abdi sadaya nuju aya dina subuh kiwari tẻh, aya dina panyabaan, mugi Gusti ngantunkeun bekel pikeun kulawarga abdi sadaya tina rupi kakirangan sabadana aya (kacekapan). Sareng abdi sadaya nyalindung ka Gusti tina du’ana jalma anu didolim, sareng tina gorẻngna tetempoan di kalangan pamili sareng harta. (HR. At-Tirmidzi 3439 ti Abdullah bin Sarjis)

Rasulullah ﷺ upami anjeuna mimiosan (nyaba) anjeuna sok maos ieu du’a.

SALINAN BUKU 75 DO’A-DO’A RASULULLAH ﷺ KH. ABDULLAH

AbahnaJafits’s Corner Private Library

Al-Furqan Islamic Kid and Youth Study Club

Sanggar Indah Banjaran L7 No. 7, Nagrak, Cangkuang-Kab. Bandung