(34)
DU’A KANU TEU DAMANG
اَللّٰهُمَّ
رَبَّ النَّاسِ مُذْهِبَ البَأْسِ أَشْفِ أَنْتَ الشَّافِى، اَللّٰهُمَّ لَاشَفِيَ
إلَّا أَنْتَ شِفَاءً لَا يُغَادِرُ سَقَمًا. ر. البخارى ٤/١٧ عن أنس
Nun Gusti
nu ngariksa sakabẻh
manusa mugi Gusti ngicalkeun panyakit, mugi Gusti ngadamangkeunana. Nun Gusti,
Gusti tukang ngadamangkeun teu aya kasẻhatan lintang kasẻhatan
ti Gusti, sẻhat
nu teu ngantunkeun panyakit. (Al-Bukhari 4/17 ti Anas)
Saur Siti
‘Aisyah binti Sa’di, upami Rasulullah ngalayad nu teu damang Anjeuna sok maos
ieu du’a.
Kantos
Rasulullah ngalayad Sa’ad, Anjeuna maos “Allahumma Asyfis Sa’dan” (Nun Gusti,
mugi Gusti ngadamangkeun Sa’ad). (Trh. 12/236)
(35)
DU’A LAMUN AYA KANYERI DINA AWAK
بِسْمِ للهِ 3x
أَعُوْذُ بِاللهِ
وَ قُدْرَتِهِ مِنْ شَرِّ مَا أَخِدُ وَ أُحَاذِرُ. ر. مسلم: ١٣٣٧ عن عثمان بن أبى
العاص
Kalayan
asmana Allah 3x, abdi nyalindung ka Allah sareng kana pangawasa-Na tina
kajahatan ieu panyakit nu kapendak sareng nu matak pikahariwangeun 7x. (HR.
Muslim 1446 ti Utsman bin Abil ‘Ash)
Utsman bin
‘Ash, anjeuna sumping ka Rasulullah mupulihkeun kanyeri nu aya dina badan
anjeuna, karaosna ti kawit anjeuna lebet Islam. Rasul dadawuh, “usapkeun
leungeun anjeun kana nu karasa nyeri dina awak anjeun terus baca Bismillah tilu kali tidinya baca أَعُوْذُ بِاللهِ وَ قُدْرَتِهِ مِنْ شَرِّ مَا أَخِدُ وَ أُحَاذِرُ tujuh
kali. (HR. Muslim 1447).
(36)
DU’A NU KEUR KAPAPATẺNAN/ KEUNA MUSIBAH
إِنَّا لِلّٰهِ وَ إِنَّا إِلَيْهِ رَاجِعُوْن. اَللّٰهُمَّ أَجُوْنِى فِى مُصِيْبَتِى
وَ اخْلِفْ لِى خَيْرًا مِنْهَا. ر. مسلم: ٤٦١ عن أم سلمة
Saẻstuna
abdi sadaya ieu kagungan Allah sareng ka Anjeuna abdi sadaya bakal mulang. Nun
Gusti mugi Gusti maparinan pahala pikeun abdi tina ieu musibah nu keuna ka
abdi, sareng mugi Gusti ngagentos ku nu langkung saẻ
batan ieu pikeun abdi.(HR. Muslim 461 ti Ummu Salamah).
Saur Ummu
Salamah, sim kuring nguping Rasul sasaruran: “Sing saha jalma nu keuna musibah
terus maca ieu du’a, ẻta jalma bakal diganjar tina
musibahna sarta bakal digantian ku nu leuwih hadẻ. (HR.
Muslim)
Musibah tẻh
umum, tegesna sanẻs
kapapastẻnan
waẻ.
Tiap-tiap mamala nu keuna kana diri, aos ieu du’a Inna lillaahi...! Disebatna
ISTIRJA’.
SALINAN BUKU 75
DO’A-DO’A RASULULLAH ﷺ H.E. ABDULLAH
AbahnaJafits’s Corner Private Library
Al-Furqan Islamic Kid and Youth Study Club
Sanggar Indah
Banjaran L7 No. 7, Nagrak, Cangkuang-Kab. Bandung
